Sankt-Peterburq ən şaxtalı istirahət günlərinə hazırlaşır. Şənbədən bazar  gününə keçən gecə termometrlərin göstəricisi mənfi 27 dərəcəyə enəcək. Artıq bu barədə lazım orqanlar və əhali bu gün xəbərdarlıq da edilib.

Şəhərin komunikasiya xətləri və istilikxanaların vəziyyəti qənaetbəxş sayılsa da, hər hansı problemlərin olacağı istisna deyil. Şaxtalardan ilk öncə evsizlərin zərər görəcəyi gözlənilir. Hazırda şəhərdə bu cür insanların sayı 8 minə yaxındır. Qeyri-rəsmi məlumatlara əsasən yeni ilidən bu günə kimi şaxtalar nəticəsində Sankt Peterburqda 20-dən çox evsiz donaraq ölüb.

İsti yemək və gecələmək isə şəhərdə yalnız iki yerdə mümkündür. Lakin bu məntəqələr bütün evsizlər üçün nəzərdə tutulmadığından, çoxlarının bu şaxtalardan sağ çıxma ehtimalı sıfıra bərabərdir.

Şaxtalar nəinki canlı insanları öldürür, həm də texnikanı da məhv edir. Soyuq havalar bankomatların sıradan çıxmasıyla nəticələnir. ABŞ və Avropada istehsal olunan bankomatlar Rusiya soyuqları üçün nəzərdə tutulmayıb.

Şaxtaların qurbanları sırasına işıqforlar da aiddir. Baxmayaraq ki, nəqliyyat tənzimləyiciləri mənfi 40 dərəcəyə dözmə mexanizminə malikdirlər, qəfil temperaturların dəyişməsi onlar üçün pis nəticələnir.