"Haiti üçün ümid" ("Hope for Haiti") xeyriyyə telemarafonunda iştirak
edən şou-biznes nümayəndələrinin dünya şöhrətli ulduzları 57 milyon
dollar yığa biliblər.
MTV Networks kanalının yayımladığı şou ABŞ
və Haitinin müxtəlif şəhərlərindən canlı yayımlarla iki saat davam edib.
Şou həmçinin CNN, ABC, CBS, NBC, FOX и Discovery kanallarında
da yayımlanıb. Şouya dəvət edilən ulduzlar arasında aktyor Corc Kluni,
mənşəcə haitili olan musiqiçi Vaqklif Jan, aktyorlar Ben Stiller, Bred
Pitt, Klint İstvud, Denzel Vaşinqton, Culia Robets, Cek Nikolson,
həmçinin ABŞ-ın keşmiş prezidenti Bill Klinton, müğənnilər Madonna,
Stinq, Beyons, Bryus Spriqstin, Stivi Uander, kantri-ifaçı Teylor Svift,
Keyt Urban, Alişa Kis, U2 qrupunun vokalçısı Bono, Castin Timberleyk və
Kristina Aqilera da var idi.
Qeyd edək ki, dünyanın müxtəlif
ölkələrində yaşayan insanlar mobil telefon, internet vasitəsilə
sms-ismarış göndərməklə yardımın yığılmasına yaxından köməklik
göstəriblər.
Xatırladaq ki, yanvarın 12-də Haitidə 7,0 və 5,9
bal gücündə baş verən iki zəlzələ nəticəsində müxtəlif məlumatlara
əsasən 200 minə yaxın insan həlak olub, 3 milyon insan yaralanıb.
Yanvarın 20-də Haitidə 6,1 bal gücündə növbəti güclü zəlzələ baş verib.
Haiti hökuməti zəlzələ nəticəsində həlak olanların 120 min
nəfərinin cəsədinin toplandığını, lakin həlak olanların ümumi sayının
bundan xeyli çox ola biləcəyini açıqlayıb.
Haiti Mədəniyyət və
Rabitə naziri Mari-Lorens Joslin Lasso dəfn bürolarından ailələri
tərəfindən qaldırılan cəsədlərin saylarını öyrənməyə başladıqlarını,
ümumi ölü sayının 60-70 min arta biləcəyini vurğulayıb.
Haiti
prezidenti Rene Preval isə ölkəsində humanitar yardımın və qida
məhsullarının sürətlə paylanması üçün BMT əqidəsi altında "Qırmızı
dəbilqəlilər" bölmələrinin yaradılmasını təklif edib.
Haiti
liderinin fikrincə, BMT-nin "Qırmızı dəbilqəlilər"i təbii fəlakətlərdən
zərər çəkmiş bölgələrdə fəaliyyət göstərmək üçün xüsusi təlim
keçməlidirlər. Onun sözlərinə görə, hazırkı "Mavi dəbilqəlilər" sülhü
qoruma üzrə vəzifələri yerinə yetirdikləri üçün fövqəladə şəraitlərdə
fəaliyyət göstərə bilmirlər.
|
