Böyük quruluşlar və şirkətlərin şəffaflıq və müasirlik rəmzi kimi üstünlük verdiyi şüşə bina inşaatında yenilik yaşanır.

Gözəl görünsələr də şüşə binaların yayda sərinlik, qışda isə istilik problemi olur. Yayda şüşələr qızır, qışda isə soyuq olduğundan şüşə binaların istiliklə təmin edilməsi çətin olur. Ancaq deyəsən ispan mühəndislər bu problemi aradan qaldıracaq. Yeni icadla şüşə binalar öz özünə istilənəcək.

Yeni şülşələrin içinə su yerləşdirilir. Günəş şüaları şüşəyə vuranda içindəki su divarı termal panelə çevrilir. Bu da avtomatik olaraq otağın temperaturunu tənzimləyir. Eyni proses qışda da baş verir.

Ancaq belə şüşəni əldə etmək biraz çətin olduğuna görə qiyməti də digərlərinə görə bahadır. İspan mühəndislər layihəni daha da genişləndirməyi və asan əldə edilməsini hədəfləyir.